152 REGISTRES DU BUREAU [i54₉]

CLX1X [CXVIII]. — Pour l'eslection d'ung quartenier.

4 et 5 février i54g. (Fol. i34 v°.)

Du lundi, nu""jour de Fevrier mil v^c xlviii.

Aujourd'uy sont venuz et comparuz au Bureau de la ville de Paris, m" Françoys de Vigny, Procureur en la Chambre des Comptes, et Noel Popineau, Procureur ou Chastellet de Paris et en l'Ostel de lad. Ville, lesquelz nous ont presenté certaines procurations dont la teneur ensuit :

"A tous ceulx qui ces presentes lettres verront, Anthoine du Prat'¹', chevalier, baron de Thiert et de Vileaulx, s^r de Nantoullet et de Pressy, Conseiller du Roy nostre sire, gentilhomme ordinaire de sa chambre et garde de la Prevosté de Paris, salut. Savoir faisons que par devant Simon Le Barge et Severien Godart, notaires du Roy nostre sire, par luy ordonnez et establiz en son Chastelet de Paris, fut present en sa personne noble homme m^c Claude Le Prevost, seigneur d'Andilly soubz Montmorancy, Procureur en la Chambre des Comptes à Paris, et l'ung des Quarteniers de la ville de Paris, a faict, constitué, estably et ordonné ses Procureurs generaulx et certains messagers especiaulx, M^esFrançoys

de Vigny.....<²', ausquelz et chascun d'eulx seul

et pour le tout portant ces presentes, led. constituant a donné et donne plain povoir et puissance de resigner et mectre ès mains de messeigneurs les Prevost des Marchans et Eschevins de la ville de Paris sondict estat de Quartenier, pour ou nom et au prouffit de Michel Duru, marchant bourgeois de Paris, et non d'autres, et consentir et accorder lettres luy en estre deuement expediées, et faire en ce que dit est dessus tout ainsi que led. constituant feroit ou faire pourroit, si present en sa personne y estoit, jacoit ce que le cas requist mandement plus especial. Promectant icelluy constituant, par les foy et serment de son corps, et soubz l'obligation de tous ses biens, avoir pour agreable à tousjours tout ce que par cesd. Procureurs, ou l'ung d'eulx, sera faict, dit, résigné ou autrement besongné, en ce que dit est dessus et les deppendances. En tesmoing de ce, nous garde dessoubz nommé, àla relacion desd.notaires, avons mys [le] scel de lad. Prevosté de Paris à ces pre-

sentes, qui furent faictes et passées l'an mil cinq cens quarante huit, le troisiesme jour de Fevrier. " Ainsi signé :

"Le Barce, Godart."

"Honnorable homme, Nicolas Paulmier, marchant et bourgeois de Paris, en son nom, faict et constitue son Procureur, m° Noel Popineau, Procureur ou Chastelet de Paris, pour plaider, opposer, appeller, substituer, eslire domicille, et par especial pour soy opposer ad ce que la resignation de l'estat et office de Quartenier, que possedoit feu m° Claude Prevost ne soit admise par Mess" les Prevost des Marchans et Eschevins de la ville de Paris au prouffit de Michel Duru, au moyen de quelque pretendue resignation que led. Duru pretend luy avoir esté faicte par led. Prevost deffunct, et, ou mesd. s" les Prevost des Marchans et Eschevins vouldroient passer oultre et icelle resignation admectre, en appeller, et generallement, etc.

"Faict et passé le lundi [im°]jour de Fevrier l'an mil cinq cens quarante huit. "

Signé : "Brullé et Fournier."

Après lesquelles procurations veues ou Bureau et oy les parties qui sont comparues en personne, avons ordonné que le Greffier de lad. Ville se transporteroit en l'ostel dud. m^e Claude Prevost, pour le veoir et savoir s'il estoit encores vivant et <³' decedé. Lequel Greffier se seroit transporté en l'ostel dud. Prevost, et nous a rapporté que ceulx de la maison dud. Prevost n'ont voullu permectre qu'il soit monté en sa chambre pour le veoir et n'en a sceu savoir la verité.

Oy lequel rapport, a esté ordonné que led. estat et office de Quartenier demeureroit en suspens jusques à ce qu'il soit apparu au vray de son trespas, par information ou autrement.

Et depuis, entendu et sceu au vray de l'heure du trespas dud. Prevost, a esté ordonné que led. Duru ne seroit receu, en vertu de lad. procuration, mais

O Fils du Chanceher, il garda la Prévôté de Paris jusqu'au 19 février i553, époque où il fut remplacé par son fils, Antoine IV. O Ce blanc est au registre. Le second procureur paraît être cependant Noël Popineau, dont le nom figure plus haut à côté de celui de François de Vigny.

t³' Sic ; le mot ou serait plus approprié.